Məlum olduğu kimi, ABŞ Rusiyanın hərbi maşın və texnikaya çıxışının qarşısını almaq üçün Türkiyə, Çin və Birləşmiş Ərəb Əmirliklərində yerləşən 130 şirkət və şəxsi sanksiya siyahısına daxil etdiyini açıqlayıb.
Hafta.az-ın “Euronews”a istinadən yazdığına görə, qardaş ölkə Türkiyədən 12 şirkət sanksiyaların hədəfinə düşüb.
Xəzinədarlıq Departamentinin Xarici Aktivlərə Nəzarət İdarəsi tərəfindən tətbiq edilən sanksiyalar döyüş meydanında lazım olan avadanlıqların alınmasında Moskvaya yardım etdiyi bildirilən tədarükçülər və yükgöndərənlər kimi üçüncü tərəf firmaları və fiziki şəxsləri hədəf alır.
Bundan əlavə, Xarici İşlər Nazirliyi də Rusiyanın enerji istehsalı və metal və mədənçıxarma sektorlarını hədəf alan diplomatik sanksiyalar tətbiq edib.
Türkiyədən sanksiya siyahısına daxil olan bəzi firmalar bunlardır: “Azint” elektron maşın qida məhsulları tekstil nəqliyyatı idxal ixracat sənayesi, Basilyev logistika tibbi kənd təsərrüfatı ticarət və sənaye, Boğaziçi qapısı xarici ticarət şirkəti, BSB group internet və süni intellekt texnologiyaları şirkəti, “Jacbac” texnologiya xarici ticarət şirkəti, Kuzey Logistics Nəqliyyat İdxal İxrac və Xarici Ticarət Şirkəti, Smart techno group xarici ticarət və logistika şirkəti...
Sanksiyalar həmçinin aviasiya avadanlığı, məlumat ötürülməsi üçün maşınlar göndərdiyi iddia edilən bir sıra Birləşmiş Ərəb Əmirlikləri şirkətlərinə də tətbiq edilib. BƏƏ-də yerləşən ARX Financial Engineering şirkəti sanksiyaya məruz qalan Rusiya bankı VTB Bankdan rus rubllarının göndərilməsində və ABŞ dollarına çevrilməsində rol oynadığı üçün sanksiyaya məruz qalıb.
